Benzın baǵasynyń kúrt ósýine jol bermeımiz – Energetıka mınıstri
ASTANA. KAZINFORM – Energetıka mınıstri Erlan Aqkenjenov janar-jaǵarmaı baǵasynyń qymbattaý yqtımaldyǵyna pikir bildirdi.
- Moratorıı jarııalanǵan kezde baǵa ósimin toqtattyq, tosqaýyl qoıdyq. Naryqtyq tetikterdi erikti túrde toqtattyq. Eger, 31 naýryzdan keıin Úkimet janar-jaǵarmaı quıý stansalarynyń qyzmetin qaıtadan aralaspaý týraly sheshim qabyldasa jáne naryq jumys istese, onda ishki suranys pen ishki usynys baǵa belgileýdi damytýdyń munan arǵy sharttaryna yqpal etedi, - dedi ol.
Erlan Aqkenjenov Energetıka mınıstrligi 2025 jyldyń 1 aqpanynan bastap janar-jaǵarmaı naryǵyn retteýmen aınalyspaıtynyn basa aıtty.
- Biz baǵanyń kúrt ósimine jol bermeımiz. Munyń bári ekonomıkamyzdyń qazirgi jaǵdaıyna jaýap beretin bolady, - dedi mınıstr.
Esterińizge sala ketsek, ótken jyldyń 16 qazanynan bastap ınflıatsııa deńgeıi turaqtanǵanǵa deıin AI-92 markaly benzın men dızel otyny baǵasyn odan ári kóterýge moratorıı engizilgen edi.