Qazaqstandyq Mıhaıl Kýkýshkın jeńis serııasyn 13 matchqa jetkizdi

ASTANA. KAZINFORM — Qazaqstandyq, álemniń 140-raketkasy Mıhaıl Kýkýshkın Lýgano (Shveıtsarııa) chellendjer týrnırin jeńispen bastady.

Jarystyń 5-raketkasy bolyp tirkelgen qazaqstandyq tennısshi alǵashqy kezdesýin dúnıejúzilik reıtıngide 235-orynda turǵan taıbeılik ıÝ Sıý Sıýımen ótkizdi.

M.Kýkýshkın qarsylasyn 6:2, 6:2 esebimen aıqyn basymdylyqpen utty.

Bir saǵattan astam ýaqytqa sozylǵan báseke barysynda Mıhaıl 1 eıspen birge 7 breık-poınttyń beseýin múlt jibergen joq. ıÝ Sıý Sıýı 3 eıs, 1 breıkpen shekteldi.

Munyń aldynda Manama (Bahreın) jáne Tenerıfe (Ispanııa) chellendjer jarysynda jeńimpaz atanǵan qazaqstandyq sportshy jeńis serııasyn 13 matchqa jetkizdi.

Mıhaıl Kýkýshkın shırek fınalǵa shyǵý úshin álemniń 181-raketkasy, ulybrıtanııalyq Bıllı Harrıspen talasady.

Eske sala keteıik, budan buryn qazaqstandyq tennısshilerdiń Indıan-Ýells týrnırindegi qarsylastary anyqtalǵanyn jazǵan bolatynbyz.

Sondaı-aq tennısten Qazaqstan áıelder quramasynyń kapıtany aýysty.