Qazaqstandyq mergen Azııa birinshiliginiń chempıony atandy

Búgin Djakartada ótip jatqan nysana kózdeýden Azııa chempıonatynda Qazaqstan quramasynyń múshesi Nıkıta Chırıýkın altyn medal jeńip aldy, dep habarlaıdy Kazinform.

QR Týrızm jáne sport mınıstrligi Sportty damytý dırektsııasynyń baspasóz qyzmeti málim etkendeı, Ulttyq qurama mergeni jyldam oq atatyn tapanshamen 25 metrden nysana kózdeýde eshkimge des bermeı chempıon atandy. Nıkıta fınalda 32 upaı jınady.

Al osy synda ekinshi orynǵa Úndistan (28) sportshysy qol jetkizse, úzdik úshtikti Ońtústik Koreıa (23) sportshysy túıindedi. 

Esterińizge sala keteıik, osyǵan deıin Chırıýkın irikteýde 584 upaımen 1-oryn alyp, Parıj Olımpıadasynyń lıtsenzııasyna qol jetkizgenin jazǵan bolatynbyz.

Indonezııa astanasyndaǵy Azııa chempıonaty 18 qańtarda aıaqtalady. Qazir Qazaqstan quramasy 1 altyn, 1 kúmis medalmen jalpy esepte 4-orynǵa kóterildi.