Qazaqstandyq mektepterde býllıngke qarsy baǵdarlamany iske asyrý jalǵasady
ASTANA. KAZINFORM – Oqý jylynyń basynan bastap elimizdiń toǵyz óńirinde «DosbolLIKE» býllıngke qarsy baǵdarlamasyn aprobatsııalaý jalǵasady. Oǵan 70 myńǵa jýyq oqýshy jáne bilim berý uıymdarynyń 5 myńnan astam qyzmetkeri qatysady. Bul týraly Oqý-aǵartý mınıstrligi habarlady.
«Pılottyq baǵdarlamany júzege asyrý úshin aımaqtardy tańdaý kámeletke tolmaǵandar arasyndaǵy quqyqbuzýshylyq pen aýtodestrýktıvti minez-qulyq kórsetkishterin eskere otyryp júrgizildi. Baǵdarlamany aprobatsııalaý barysynda pılottyq mektepterdiń barlyq qyzmetkeri úshin mektep ujymdarynda daýly jaǵdaılardyń týyndaýyna áser etetin sebepter men faktorlardyń aldyn alý jáne anyqtaý boıynsha oqytý uıymdastyrylatyn jáne praktıkalyq is-sharalar ótkiziledi. Sondaı-aq «DosbolLIKE» baǵdarlamasyn iske asyrýdyń mindetteri men ádisterin túsindirý boıynsha oqýshylar men ata-analarǵa arnalǵan túrli is-shara qarastyrylǵan», - dep atap ótti QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova.
Aıta keteıik, atalǵan jumys oqý jylynyń sońyna deıin jalǵasady, bul baǵdarlamanyń nátıjeliligin neǵurlym tıimdi baǵalaýǵa jáne ony eldiń bilim berý uıymdarynda odan ári engizý úshin qajetti túzetýler engizýge múmkindik beredi.
Eske salsaq, buǵan deıin Astanadaǵy bilim berý uıymdarynda býllıngke qarsy baǵdarlama iske qosylǵanyn jazǵan edik.
