Qazaqstandyq marafonshy Olımpıadany 33-orynmen aıaqtady
PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynyń sońǵy kúni qazaqstandyq jeńil atlet Janna Mamajanova marafon jarysynda el namysyn qorǵady.
Otandasymyz áıelder arasynda ótken marafonda belgilengen qashyqtyqty 02:30:51 ýaqyt kórsetkishimen baǵyndyryp, márege 33-shi bolyp jetti.
Atalǵan jarysta Gollandııalyq júgirýshi Sıfan Hassan altyn júldeni jeńip aldy. Ol qashyqtyqty 2:22,55-te júgirip ótip, Olımpıada rekordyn ornatty. Kúmis júldeni efıopııalyq Tıgs Assefa jeńip alsa, qola júlde kenııalyq Hellen Onsando Obırıge buıyrdy.
Jarysqa jalpy 91 sportshy qatysty. Bul Janna Mamajanovanyń ekinshi Olımpıada oıyndary. Ol osyǵan deıin Tokıo-2020 Olımpıadasyna da qatysqan edi.
Qazaqstandyq marafonshy bıyl sáýirde Rotterdamda (Nıderland) ótken jarysta Parıj Olımpıadasynyń joldamasyn jeńip alǵan bolatyn.
Generalnyı partner - AO "FNB "Samrýk Kazyna"
Partner - Fond podderjkı sporta Sport Qory
