Qazaqstandyq mánerlep syrǵanaýshylar Túrkııada ótetin Gran-prı serııasynyń tórtinshi kezeńine qatysady
ASTANA. KAZINFORM - Qazaqstandyq mánerlep syrǵanaýshylar Túrkııanyń Ankara qalasynda ótetin jasóspirimder arasyndaǵy Gran-prı serııasynyń tórtinshi kezeńine qatysady, dep habarlaıdy QR Ulttyq olımpıada komıteti.
Jarys 17-19 qyrkúıek aralyǵynda Ümitköy Ice Skating Complex muz aıdynynda ótedi.
Qazaqstan quramasy tórt sanattyń barlyǵynda óner kórsetedi.
Jasóspirimder arasyndaǵy saıysta Nıkıta Kozlov el namysyn qorǵasa, qyzdar arasyndaǵy jekeleı synda Safııa Abaeva muz aıdynyna shyǵady.
Juptyq synda Qazaqstan atynan Vasılıanna Shelestova men Abaı Sadyqov óner kórsetedi. Al muzdaǵy bıde el namysyn Eva Shelaeva men Ivan Solovev qorǵaıdy.
Aıta keteıik, 2026/27 jylǵy maýsymda jasóspirimder arasyndaǵy Gran-prı serııasy jeti kezeńnen turady.
Ankaradaǵy jarystan keıin básekeler Grýzııanyń Batýmı, Slovenııanyń Lıýblıana jáne Polshanyń Gdansk qalalarynda jalǵasady. Serııanyń fınaly 10-13 jeltoqsan aralyǵynda Qytaıdyń Chýntsın qalasynda ótedi.
Osyǵan deıin Taılandtyń Bangkok qalasynda mánerlep syrǵanaýdan jasóspirimder arasyndaǵy Gran-prı kezeńi aıaqtalǵany týraly jazdyq.
