Qazaqstandyq mánerlep syrǵanaýshylar Batýmıdegi halyqaralyq dodaǵa qatysady
ASTANA. KAZINFORM — Qazaqstandyq tórt mánerlep syrǵanaýshy Grýzııanyń Batýmı qalasynda ótetin jasóspirimder arasyndaǵy Gran-prı kezeńinde el namysyn qorǵaıdy. Halyqaralyq konkıshiler odaǵynyń (ISU) aldyn ala tizimine Qazaqstannan jekeleı syrǵanaýdan eki sportshy jáne muzdaǵy bıden bir jup endi. Bul týraly UOK jazdy.
Halyqaralyq konkıshiler odaǵy (ISU) mánerlep syrǵanaýdan Batýmıde (Grýzııa) ótetin jasóspirimder arasyndaǵy Gran-prı kezeńine qatysýshylardyń aldyn ala tizimin jarııalady.
Qazaqstan quramasy jekeleı syrǵanaýda jáne muzdaǵy bıde synǵa túsedi.
Erler arasyndaǵy jekeleı saıysta Artýr Smagýlov óner kórsetedi. Al áıelder arasynda Marııa Sannıkova baq synaıdy.
Al muzdaǵy bı baǵdarlamasynda Eva Shelaeva men Ivan Solovev el namysyn qorǵaıdy.
Aıta keteıik, jarys 24-26 qazan aralyǵynda ótedi.
Buǵan deıin qazaqstandyq mánerlep syrǵanaýshylar Túrkııada ótetin Gran-prı serııasynyń tórtinshi kezeńine qatysatynyn jazǵan edik.
