Qazaqstandyq mánerlep syrǵanaýshylar Asian Figure Skating Youth Camp lagerine qatysady

ASTANA. KAZINFORM – 10–18 tamyz aralyǵynda Qytaıdyń Harbın qalasynda Azııanyń jasóspirimderge arnalǵan mánerlep syrǵanaý lageri (Asian Figure Skating Youth Camp) ótedi. 

Ulttyq olımpıadalyq komıtettiń málimetinshe, atalǵan is-sharany Azııa Olımpıadalyq keńesi (AOK), Halyqaralyq konkımen júgirýshiler odaǵy (ISU) jáne «Azııa balalary» halyqaralyq komıteti (CAIC) birlesip uıymdastyrady. 

Lager OCA/OS kontınenttik baǵdarlamasy aıasynda ótkiziledi. Onyń basty maqsaty — Azııa qurlyǵynda mánerlep syrǵanaý sportyn damytý jáne qoldaý. 

Jıynǵa Azııa elderinen 2009–2013 jyldar aralyǵynda týǵan jas sportshylar qatysady. Qazaqstan atynan Ekaterına Dostavalova men Semen Reznık óner kórsetedi.

Eske sala keteıik, buǵan deıin «Barys» hokkeı klýbynyń Reseıdegi «Ivan Romazan memorıaly» týrnırine qatysatynyn habarlaǵan bolatynbyz.