Qazaqstandyq mánerlep syrǵanaýshy Nıderlandta altyn medal jeńip aldy

ASTANA. KAZINFORM – Mánerlep syrǵanaýdan Ulttyq qurama kóshbasshysy Mıhaıl Shaıdorov Nıderland Koroldiginiń Tılbýrg qalasynda ótken Challenge Cup týrnırinde altyn medal jeńip aldy.

Sportty damytý dırektsııasynyń baspasóz qyzmeti málim etkendeı, Mıhaıl keshe qysqa baǵdarlamada 85.75 ball jınap, 2-satyǵa jaıǵasqan. Búgin erkin jattyǵýda jınaqy óner kórsetip, 270.59 upaımen sýyrylyp alǵa shyqty. Jalpy esepte - 256.34 ball jınap, jeńis tuǵyrynyń eń bıik satysynan kórindi.

Kúmis medal 2022 jylǵy jasóspirimder arasyndaǵy álem chempıonatynda 3-oryn alǵan Tatsýıa Tsýboıdyń (Japonııa) enshisinde ketse, qola taǵy bir japondyq mánerlep syrǵanaýshy 2022 jylǵy 4 qurlyq chempıonatynyń kúmis júldegeri Kazýkı Tomonoǵa buıyrdy (251.61 ball).

Bul týrnırge barlyǵy 32 memleketten 157 sportshy qatysty.