Qazaqstandyq mamandar 2027 jylǵy frıstaıldan álem chempıonatynda tóreshilik etedi
ASTANA. KAZINFORM- Qazaqstandyq mamandar ıÝlııa Degteva men Aqmarjan Qalmyrzaeva Qytaıdyń Tsınhýandao qalasynda ótken halyqaralyq semınarda Halyqaralyq shańǵy sporty federatsııasynyń (FIS) eń joǵary «A» sanatyndaǵy tóreshilik biliktiligin sátti rastady.
Attestattaý qorytyndysy boıynsha ıÝlııa Degteva men Aqmarjan Qalmyrzaeva 2027 jyly shańǵy frıstaıly boıynsha ótetin negizgi halyqaralyq jarystarǵa tóreshi retinde taǵaıyndaldy. Frıstaıl-mogýl jáne frıstaıl-akrobatıka boıynsha FIS-tiń mindetti tóreshiler semınary 15-18 qyrkúıek aralyǵynda ótti.
Semınarǵa qatysý iri halyqaralyq týrnırlerde tóreshilik etýge qoıylatyn mindetti talaptardyń biri sanalady. Qazaqstandyq mamandar rastaǵan «A» sanaty FIS aıasynda frıstaıl boıynsha eń joǵary deńgeıdegi jarystarǵa tóreshilik etýge múmkindik beredi.
Biliktilikti rastaǵannan keıin alǵashqy resmı taǵaıyndaýlar belgili boldy. Aqmarjan Qalmyrzaeva Avstrııada ótetin frıstaıldan 2027 jylǵy FIS eresekter arasyndaǵy álem chempıonatynda shańǵy akrobatıkasy boıynsha tóreshiler quramyna kirdi.
Al ıÝlııa Degteva Shvetsııada ótetin jasóspirimder arasyndaǵy álem chempıonatynda mogýl jarystaryna tóreshilik etýge resmı kandıdat retinde bekitildi.
Qazaqstandyq tóreshilerdiń osyndaı joǵary deńgeıde attestattaýdan ótýi otandyq frıstaıl mektebiniń halyqaralyq arenadaǵy bedelin kórsetedi.
Osyǵan deıin Qazaqstan sportynyń ańyzy, qysqy sport túrlerindegi eń bedeldi sportshylardyń biri, 33 jastaǵy ıÝlııa Galysheva sporttyq mansabyn aıaqtaǵanyn jarııalaǵan bolatyn.
