Qazaqstandyq maman ústel tennısinen 2026 jyly ótetin Azııa oıyndarynda tórelik etedi

ASTANA. KAZINFORM – Ústel tennısinen qazaqstandyq tóreshi, eń joǵary halyqaralyq sanattaǵy maman Tımýr Hodjaev 2026 jyly Japonııada ótetin Azııa oıyndarynda tórelik etedi.

Jazǵy Azııa oıyndary 2026 jyldyń 19 qyrkúıegi men 4 qazany aralyǵynda ótedi. 

Ústel tennısinen tóreshiler quramyna halyqaralyq sanattaǵy Blue Badge tóreshisi, qazaqstandyq maman Tımýr Hodjaev (Qaraǵandy) engizildi.

Aıta keteıik, buǵan deıin qazaqstandyq tóreshi Azııa chempıonaty men basqa da iri halyqaralyq jarystarda qyzmet atqarǵan bolatyn.

Eske salsaq, budan buryn habarlaǵanymyzdaı Halyqaralyq Olımpıada komıteti (HOK) 2026 jylǵy qysqy Olımpıada oıyndary kezinde kelisilgen matchtardy boldyrmaý úshin Adaldyqty qamtamasyz etý bóliminiń qurylǵanyn jarııalady.