Qazaqstandyq quzǵa órmeleýshiler Azııa chempıonatynda qandaı nátıje kórsetti
ASTANA. KAZINFORM – Meıshan qalasynda (Qytaı) sporttyq quzǵa órmeleýden Azııa chempıonaty aıaqtaldy.
Atalǵan baıraqty básekede qazaqstandyq sportshylar «qıyndyq», «jyldamdyq» jáne «boýlderıng» baǵdarlamasy boıynsha synǵa tústi.
QR UOK málimeti boıynsha, «Qıyndyq» baǵdarlamasynda Alekseı Panfılov 39-oryn, Gleb Semeshkın 43-oryn, Azat Maıkotov 45-oryn aldy. Al áıelder arasynda Polına Andreeva 32-oryn, Darıa Kýzmenko 33-oryn, Vıktorııa Adamenko 34-orynǵa jaıǵasty.
«Jyldamdyq» baǵdarlamasynda Damır Toqtarov 10-oryn, Ámir Maımuratov 13-oryn, Rıshat Haıbýllın 15-oryn, Beknur Altynbekov 17-oryn, Jandos Qalybaı 38-oryn aldy. Áıelder arasynda Adelııa Ýtesheva 22-oryn, Anna Balarshına 23-oryn, Arına Novıtskaıa 24-oryn, Tamara Uljabaeva 27-orynǵa turaqtady.
«Boýlderıng» baǵdarlamasynda Azat Maıkotov 38-oryn, Alekseı Panfılov 45-oryn, Vadım Ishmýhametov, Gleb Semeshkın, Kymsan Tsoı 47-orynda jarysty aıaqtady. Áıelder arasynda Polına Andreeva 33-oryn, Darıa Kýzmenko 36-oryn, Aıhanym Aıdarhanqyzy 37-oryn, Vıktorııa Adamenko 38-oryn aldy.
Aıta keteıik, búgin Qazaqstan fýtzal quramasy Ázerbaıjanmen joldastyq kezdesý ótkizedi.
