Qazaqstandyq qutqarýshylar Aýǵanstanǵa jete sala birden jumysqa kiristi

Qazaqstandyq qutqarýshylar Aýǵanstanǵa kelgennen keıin birden jumysqa kiristi, dep habarlaıdy Kazinform Tótenshe jaǵdaılar mınıstrligine silteme jasap. 

TJM qutqarýshylary túngi ýaqytqa qaramastan izdestirý-qutqarý jumystaryn júrgizýge kiristi.

Qazaqstandyq qutqarýshylardyń jumys aýmaǵy — Gerat qalasynan 25-30 km qashyqtyqtaǵy Naıbrofı jeri.

Bıliktiń aıtýynsha, bul ýchaske eń qıyn sanalady: osy mańda habar-osharsyz ketkenderdiń sany kóp.

Gerat bıligi qutqarýshylarǵa jedeldigi úshin alǵys aıtyp, táýlik boıy jumys isteýge nıet bildirgenine tań qaldy.