Qazaqstandyq qutqarýshy Qytaıda MMA chempıony atandy

ASTANA. KAZINFORM – 18 qańtar Lıýılıanda (Qytaı) jergilikti JCK Kings 007 lıgasynyń MMA jekpe-jek týrnıri ótti.

QR Tótenshe jaǵdaılar mınıstrliginiń málimetinshe, atalǵan is-sharada buryn-sońdy jeńilis tappaǵan qazaqstandyq Kóshen Aqanov (5-0) Kubulan Tursynbek-pen (15-12) jekpe-jek ótkizdi.

Bul jekpe-jek boıynsha habarlamany 27 jastaǵy Aqanov az ýaqyt ishinde qabyldady. Bastapqyda ol 17 qańtarda Kýveıtte ótetin jekpe-jekke shyǵýy kerek edi. Alaıda jekpe-jek qarsylasynyń jaraqat alýyna baılanysty toqtatyldy.

Sportshylar arasyndaǵy básekelestik joǵary boldy. Alaıda bul týrnırde elordalyq qutqarýshy Kóshen Aqanov qarsylasynan myqty bolyp, chempıon ataǵyna ıe boldy.

Aıta keteıik, ushaq apaty saldaryn joıýǵa qatysqan mańǵystaýlyq qutqarýshylar marapattaldy.