Qazaqstandyq kreatıvti jobalar 8 eldiń bıznes ókilderine tanystyryldy
ASTANA. KAZINFORM - Qazaqstandyq kreatıvti jobalar tájirıbesi shetelde qoldanatyn bolady, dep habarlaıdy QR Mádenıet jáne aqparat mınıstrliginiń baspasóz qyzmeti.
Habarovskide ótken «Qıyr Shyǵysta jasalǵan» kreatıvti ındýstrııa forýmynda qazaqstandyq jobalar sátti tanystyryldy. Kezdesý segiz eldiń bıznes salasy men bılik ókilderiniń netvorkıng alańyna aınaldy.
Qatysýshylar kreatıvti naryqtyń ózekti máselelerin, jergilikti brendterdi halyqaralyq ilgeriletýdi, kıno, anımatsııa jáne mýzykany damytý týraly talqylady.
Qazaqstandyqtar óz jobalaryn usyndy. Solardyń biri - Aqmola oblysyndaǵy kreatıvti ındýstrııalar men ekotýrızmniń yntymaqtastyǵyna aınalatyn bolashaq kreatıvti hab. Forýmǵa qatysýshylardy oqýshylardyń shyǵarmashylyq oılaýyn damytý boıynsha fakýltatıv qyzyqtyrdy. Qazaqstanda kreatıvti sektordy qoldaý úshin sarapshylar men zań shyǵarý sharalary atap ótildi.
Forým qorytyndysy boıynsha birqatar kelisimder jasaldy. Tájirıbe almasý maqsatynda bilim berý jáne fashion salasynda yntymaqtastyq josparlanýda.
