Qazaqstandyq qos tennısshi jasóspirimder arasynda Aýstralııa chempıonatynda oınaıdy

Qazaqstan tennısiniń jas juldyzdary Ámir Omarhanov pen Asyljan Arystanbekova jasóspirimder arasynda aldaǵy jyldyń alǵashqy «Úlken dýlyǵa» týrnıri – Aýstralııa ashyq chempıonatynda oınaıdy, dep habarlaıdy Kazinform. 

Qazaqstan tennıs federatsııasynan málim etkenindeı, sonymen qatar Danıal Rahmatýllaev, Vıtalıı Zatsepın, Іlııas Maratuly jáne Aııa Nupbaı irikteý saıystarynda baq synaıdy.

Jasóspirimder arasynda Aýstralııa birinshiligi 20-27 qańtar aralyǵynda ótedi.

Qaraǵandy tennıs mektebiniń túlegi Ámir Omarhanov 16 jasta. Jasóspirimderdiń álemdik reıtıngisinde 55-orynda tur. Ol ITF Juniors sanatynda ótken jarystarda jekeleı jáne juptyq synda bes retten jeńimpaz atandy.

Almaty tennıs mektebiniń túlegi, 17 jastaǵy Asyljan Arystanbekova reıtıngide 68-satyda keledi. Ol ITF Juniors dodalarynda jekeleı synda bir ret chempıon boldy. Al juptyq synda 13 tıtýlǵa qol jetkizdi.

Eske sala keteıik, budan buryn qazaqstandyq tennısshiniń Mysyrdaǵy jarystyń jartylaı fınalyna shyqqanyn jazǵan bolatynbyz.