Qazaqstandyq qos boksshy elordadaǵy álem kýbogynyń qola júldesin enshiledi

ASTANA. KAZINFORM - Astanadaǵy World Boxing aıasynda ótip jatqan álem kýbogynda baq synaǵan qos qazaqstandyq boksshy Aıdana Zabynbekova (57 keli) men Aıda Ábikeeva (65 keli) qola júldeni qanaǵat tutty.

Jartylaı fınalda Aıdana Zabynbekova úndistandyq qarsylasy Jasmın Jasmınge ese jiberdi. Al Aıda Ábikeeva Olımpıada chempıony, túrkııalyq Býsınaz Sýrmenalıge 0:5 esebimen jeńilip qaldy.

Endi el quramasynan Nadejda Rıabets (75 keli), Mahmud Sabyrhan (55 keli), Ertýǵan Zeınýllınov (65 keli), Sabyrjan Aqqalyqov (75 keli), Aıbek Oralbaı (90 keliden joǵary) sharshy alańǵa shyǵady. 

Aıta ketsek, qazirge deıin Alýa Balqybekova (51 keli), Nurbek Oralbaı (80 keli), Nazym Qyzaıbaı (48 keli), Vıktorııa Grafeeva (60 keli), Natalıa Bogdanova (70 keli), Sanjar Táshkenbaı (50 keli), Bekzad Nurdáýletov (85 keli) altyn júldeni sarapqa salýǵa múmkindik aldy. 

Buǵan deıin elordadaǵy World Boxing aıasynda ótip jatqan álem kýbogynda Bekzad Nurdáýletovtiń túrkııalyq boksshy Samet Ersoıdy qapy qaldyrǵanyn jazǵan edik.