Qazaqstandyq qos balýan álem chempıonatynyń qola júldesi úshin kúresedi

ASTANA. KAZINFORM – Tıranada (Albanııa) jastar arasynda áıelder kúresinen ótip jatqan álem chempıonatynda Laýra Ǵanıqyzy men Alına Ertóstik qola medal úshin kúresýge múmkindik aldy. 

Sportty damytý dırektsııasynyń baspasóz qyzmetinen málim etkenindeı, álem chempıonatynyń jubanysh beldesýinde Laýra Ǵanıqyzy (50 kg) tartysty básekede slovakııalyq Krıstına Basıchti tize búktirdi.

Al Alına Ertóstik (76 kg) Eýropa chempıony, ýkraınalyq balýan Marııa Orlevıchti jeńdi. 

Qos balýan endi qola júldege talasady. Laýranyń qarsylasy – japonııalyq Ýmı Ito. Alına taǵy bir japon qyzy Nodoka ıAmamotomen beldesedi.

Eske sala keteıik, budan buryn «Qazaqstan barysy-2024» týrnıriniń jeńimpazdary qansha syıaqy alatynyn jazǵan bolatynbyz.