Qazaqstandyq qos balýan Albanııadaǵy týrnırdiń fınalyna shyqty
ASTANA. KAZINFORM - Albanııa astanasy Tıranada ótip jatqan kúres túrlerinen reıtıngtik jarysta Ulttyq quramanyń 2 palýany aqtyq synǵa joldama aldy.
QR Týrızm jáne sport mınıstrligi Sportty damytý dırektsııasynyń baspasóz qyzmetiniń habarlaýynsha, áıelder arasynda Zeınep Baıanova (50 keli) irikteýde AQSh, Japonııa jáne jartylaı fınalda Úndistan sportshysyn jeńdi. Otandasymyz erteń fınalda taǵy bir úndistandyq Prıanshı Pradjapatpen sheberlik baıqasady.
Al Laýra Almaǵanbetova (55 keli) alǵashqy beldesýde Úndistan, keıin Germanııa ókili Anastasııa Bleıvastan basym túsip, aqtyq synǵa ótti. Onyń sheshýshi aıqastaǵy qarsylasy Lılııa Malanchýk (Ýkraına) bolady.
Sondaı-aq erteń keshke erkin kúresten Kamıl Kýrýglıev (92 keli) pen Rızabek Aıtmuhan (97 keli) qola medal úshin baq synaıdy.
Al Bolat Saqaev (86 keli) Albanııadaǵy týrnırde qola júldeger atandy.
Jarys 25 aqpan men 1 naýryz aralyǵynda ótedi. Qazaqstan bul dodada kúrestiń barlyq túrinen synǵa túsedi.
Aıta ketsek, áıelder kúresinen 17 jasqa deıingi el chempıondary anyqtaldy.