Qazaqstandyq konkıshiler Japonııada eki medal jeńip aldy

ASTANA. KAZINFORM – Bul kúnderi Japonııanyń Hatınohe qalasynda konkımen júgirýden jastar arasyndaǵy Álem kýbogynyń kezeńi ótip jatyr.

QR Týrızm jáne sport mınıstrligi Sportty damytý dırektsııasynyń baspasóz qyzmeti málim etkendeı, atalǵan básekede eki sportshymyz júldegerler qatarynan kórindi.

Atap aıtsaq, 1000 metrge jarysta neo-senor sanatynda Ulttyq quramanyń 2 sportshysy júldege qol jetkizdi. Margarıta Artemeva atalǵan qashyqtyqta máre syzyǵyn ekinshi bolyp kesip ótip, kúmis júldeger atansa, Marııa Kýznetsova úshinshi bolyp jetip, qola medaldi qanjyǵasyna baılady. Taǵy bir Qazaqstan ókili Alena Lıfatova 4-satyǵa turaqtady.

Japonııadaǵy jarysta 23 memlekettiń 170 tańdaýly atleti synǵa túsip jatyr. Bul kezeń erteń máresine jetedi.