Qazaqstandyq konkıshiler álem kýbogi kezeńin úsh júldemen bastady
Italııanyń Bazelga-dı-Pıne qalasynda konkımen júgirýden jastar arasynda álem kýbogi kezeńiniń alǵashqy kezeńi ótip jatyr, dep habarlaıdy Kazinform.
Sportty damytý dırektsııasynan málim etkendeı, jarystyń birinshi kúni neo-senor dıvızıonynda (21 jasqa deıingiler arasynda) myń metrge jarysta Inessa Shýmekova qola júldege ıe boldy.
I.Shýmekova qashyqtyqty 1:21.08 sekýndta júgirip ótip, taǵy bir ulttyq qurama sportshysy Arına Ilıaşenkodan ozyp ketti.
Munda Serena Perger (Italııa) altynnan alqa taqsa, Fren Vanhýtt (Belgııa) kúmis medaldi jeńip aldy.
Al jastar arasyndaǵy komandalyq synda elimizdiń əıelder quramasy kúmis medalǵa qol jetkizdi.
Əpkeli-sińlili Krıstına jəne Alına Shýmekova, Marııa Degen úshtigi tek Nıderland sportshylaryna jol berdi.
Sosyn neo-senor dıvızıonynda Qazaqstan əıelder quramasy 2-satydan kórindi. Munda jarys jolyna Margarıta Artemeva, Arına Ilıaşenko men Alena Lıfatova shyqty.
Búgin konkımen júgirýshiler qalǵan qashyqtyqta (500 metr, 1500 metr men mass-startta) júldege talasady.
Jalpy, alǵashqy kezeńge 26 memleketten 165 sportshy jınaldy. Eń kóp delegatsııa Polsha (15 sportshy) men Ońtústik Koreıada (14 sportshy).
