Qazaqstandyq konkımen júgirýshi Kanadada ótken týrnırde rekord ornatty

ASTANA. KAZINFORM – Qazaqstandyq Alına Daýranova konkımen júgirýden álem chempıonatynda 1 000 metrge júgirýde jeke rekord ornatty. Bul týraly Sports.kz jazdy. 

Sportshy bul qashyqtyqty 1 mınýt 15,24 sekýndta baǵyndyryp, 13-orynǵa taban tiredi jáne jerlesteri arasynda úzdik atandy. 

Jarysty Ekaterına Aıdova 14-shi (1:15.29), Inessa Shýmekova 24-shi (1:18.57) orynmen aıaqtady.

Kanadanyń Kalgarı qalasyndaǵy jarys 18 aqpanda aıaqtalady. Týrnırde sarapqa salynatyn tórt medal jıyntyǵy qaldy. Qazaqstandyqtardyń ishinen jeksenbi kúni tek Aıdova qatysady – ol 1500 metr qashyqtyqta saıysqa túsedi.