Qazaqstandyq kompanııalar Alibaba-da qandaı taýar satyp jatyr

ASTANA. KAZINFORM – 2023 jyly Qytaıdyń eń iri B2B marketpleısine 70 qazaqstandyq kompanııa tirkelip, olarǵa «Altyn jetkizýshi» premıým mártebesindegi akkaýnttar berildi. QR Saýda jáne ıntegratsııa mınıstrligi otandyq kompanııalar bul marketpleıste qandaı taýarlar usynatynyn málim etti, dep habarlaıdy Kazinform agenttigi.

Vedomstvonyń málimetinshe, Alibaba.com platformasynda qazaqstandyq jetkizýshiler usynatyn jáne eksporttaıtyn negizgi taýar sanattary tómendegideı: 

Azyq-túlik pen aýyl sharýashylyǵy ónimderi: bal, kúrish, halal et, kúnbaǵys maıy, makaron ónimderi, un, jarmalar, jańǵaqtar, tuqymdar, qurǵaq bıe jáne túıe súti, konserviler, mal azyǵyna arnalǵan qospalar jáne t.b.

Kondıterlik ónimder men snekter: shokolad, kámpıt, pechene jáne basqa da táttiler.

Ónerkásiptik ónimder: dızelmen jumys isteıtin generatorlar, elektr jabdyqtary, elektr qalqandary, kabel naýashalary, órtke qarsy qalqandar, metall tabaqtardan jasalǵan standartty emes jabdyqtar, polıetılennen jasalǵan kabeldik qubyrlar, aspaptar men qurylǵylar, kómir súzgileri, mektep jıhazy.

Alkogoldi jáne alkogolsiz ónimder: sharap, araq, tabıǵı shyryndar.

Mata jáne kıim-keshek: ártúrli toqyma buıymdary men kıimder.

Hımııalyq ónimder: áıelderge arnalǵan kosmetıka, medıtsınalyq maqsattaǵy buıymdar, BBQ (bıologııalyq belsendi qospalar).

Aıta keteıik, buǵan deıin elimizden shyǵatyn shıkizat emes taýarlar kólemi artyp kele jatqanyn jazǵan edik.