Qazaqstandyq kolledj stýdentteri NASA ǵaryshtyq qosymshalar baıqaýynda óz jobalaryn usynady

ASTANA. KAZINFORM – «SPACE APPS CHALLENGE-2024» jahandyq tóreshiliginiń álemdik kezeńi 19 qarashada ótedi. Bul týraly Oqý-aǵartý mınıstrligi habarlady.

Atalǵan dodada Qazaqstan namysyn Pavlodar Aqparattyq tehnologııalar kolledjiniń stýdentteri Roman Ýstımenko, Jan Beısekeev jáne A.Baıtursynov atyndaǵy mektep oqýshysy Igor Martynıýk qorǵaıdy.

Óńirlik kezeńniń qorytyndysy boıynsha olar álemniń 152 elinen qatysqan 8715 komanda arasynan sýyrylyp shyǵyp, NASA-nyń «SPACE APPS CHALLENGE-2024» ǵaryshtyq qosymshalar baıqaýynyń jahandyq nomınanttary atandy.

Endi qazaqstandyqtardyń jobalary NASA sarapshy tóreshiler toby jáne jahandyq fınalısterdi anyqtaıtyn seriktes ǵarysh agenttikteriniń qaraýyna usynylady.

Aıta keteıik, álem boıynsha 8,7 myń komandanyń arasynan tek 940 komanda qazylar alqasy tarapynan iriktelgen bolatyn jáne onyń ishinde eki qazaqstandyq komanda bar.

NASA eń uzaq ári eń qymbat eksperımentti aıaqtaǵanyn jazǵan bolatynbyz.