Qazaqstandyq kolledj stýdenti XIII Antalya Open Cup halyqaralyq týrnırin jeńip aldy
ASTANA. KAZINFORM - Jambyl atyndaǵy Uzynaǵash kásiptik kolledjiniń stýdenti Rıshat Mansýrov Túrkııanyń Kemer qalasynda ótken mýaıtaıdan XIII Antalya Open Cup halyqaralyq týrnırinde tamasha óner kórsetip, І oryndy jeńip aldy.
QR Oqý-aǵartý mınıstrligi baspasóz qyzmetiniń habarlaýynsha, Rıshat Mansýrov kásiptik kolledjdiń 2 kýrs stýdenti, «Avtomobıl kóligine tehnıkalyq qyzmet kórsetý, jóndeý jáne paıdalaný» mamandyǵy boıynsha bilim alýda. Ol mýaıtaı sportymen 8 jasynan beri turaqty túrde aınalysyp keledi.
-Bul jarysqa álemniń 25 elinen 500-den astam sportshy qatysty. Atalǵan dodada Qazaqstan quramasy da úzdik nátıjeler kórsetip, jalpy esepte 20 altyn, 11 kúmis jáne 7 qola medal ıelendi,-delingen habarlamada.
Osyǵan deıin qazaqstandyq oqýshynyń TabAI startap jobasy Google grantyn ıelengeni týraly jazdyq.
