Qazaqstandyq kolledj halyqaralyq standarttarǵa sáıkestigin rastady
ASTANA. KAZINFORM — Jol-kólik kolledji Ońtústik Koreıa Respýblıkasynyń ABEEK akkredıtteý júıesi aıasynda «Global Sapa» halyqaralyq akademııasymen birlesip, halyqaralyq akkredıtatsııadan sátti ótti, dep habarlaıdy Oqý-aǵartý mınıstrliginiń baspasóz qyzmeti.
Akkredıtteý úderisi halyqaralyq sarapshylardyń qatysýymen bekitilgen jumys baǵdarlamasy men kestege sáıkes birneshe kezeń boıynsha ótkizildi.
Baǵalaý barysynda kolledjdiń bilim berý júıesiniń qurylymy, basqarý tetikteri, kadrlyq áleýeti, materıaldyq-tehnıkalyq bazasy jáne normatıvtik-quqyqtyq qujattamalary jan-jaqty saraptaldy.
Sonymen qatar bilim berý baǵdarlamalary men oqý josparlarynyń halyqaralyq talaptarǵa sáıkestigine erekshe nazar aýdarylǵan.
— Sheteldik sarapshylar kolldjdiń oqý-óndiristik mashyqtandyrý úderisimen tanysyp, zamanaýı jabdyqtalǵan sheberhanalar men zerthanalardaǵy praktıkalyq sabaqtardyń uıymdastyrylý deńgeıin joǵary baǵalady, — delingen mınıstrlik taratqan aqparatta.
Budan buryn Kókshetaýdaǵy áskerı kolledjdiń 300-den astam kadeti áli karantınde jatqanyn jazǵan edik.
