Qazaqstandyq klýbtardyń eýrokýbok oıyndarynda kimder tóreshi bolady

ASTANA. KAZINFORM — Fýtboldan eýrokýboktaǵy qazaqstandyq klýbtardyń qatysýymen ótetin oıyndarda qaı eldiń tóreshileri qyzmet atqaratyny belgili boldy.

Aldymen UEFA Chempıondar lıgasy birinshi irikteý kezeńindegi «Qaırat» pen «Olımpııa» (Lıýblıana, Slovenııa) kezdesýinde bas tóreshi mindeti ıtalııalyq Matteo Markettıge júktelgen. Oǵan otandastary Alessıo Bertı men Valerıo Kolarossı kómektesedi. 

Atalǵan kezdesý 15 shildede 20:00–de Almaty qalasyndaǵy Ortalyq stadıonda ótkiziledi. 

Al Eýropa lıgasy birinshi irikteý kezeńindegi «Aqtóbe» men «Legııa» (Varshava, Polsha) oıynynda bas tóreshi mindetin shvetsııalyq Granıt Makedontsı atqarsa, onyń kómekshileri — Maks-Robın Vılde men Markýs Klıtte (ekeýi de — Shvetsııa).

Bul oıyn 17 shildede saǵat 21:00–de Aqtóbe qalasyndaǵy Ortalyq stadıonda ótedi dep belgilengen. 

Al Konferentsııa lıgasy birinshi kezeńindegi «Ordabasy» men «Torpedo» (Kýtaısı, Grýzııa) oıynynda bolgarııalyq Nıkola Popov bas tóreshi bolady. Oǵan otandastary Georgıı Todorov, Georgı Doınov kómektesedi.

Kezdesý 17 shildede 21:00–de Shymkent qalasyndaǵy Qajymuqan Muńaıtpasov atyndaǵy stadıonda bastalady.

Eske salsaq, birinshi kezdesýinde «Qaırat» «Olımpııamen» (1:1) teń tússe, «Aqtóbe» «Legııaǵa» (0:1), «Ordabasy» «Torpedoǵa» (3:4) ese jiberdi.