Qazaqstandyq klýbtar Konferentsııa lıgasy ekinshi irikteý kezeńinde kimdermen oınaıdy
ASTANA. INFORMSPORT - Shveıtsarııanyń Non qalasynda Konferentsııa lıgasy ekinshi irikteý kezeńiniń jerebesi tartyldy.
Erejege sáıkes eýrojoryǵyn birden Konferentsııa lıgasy ekinshi irikteý kezeńinen bastaýǵa múmkindik alǵan qostanaılyq «Tobyl» jarystyń bul satysynda Lıtvanyń «Panevejıs» klýbymen sheberlik baıqasady. Olar alǵashqy oıyndy 23 shildede syrt alańda ótkizse, 30 shildede óz alańynda qarsylasyn qabyldaıdy.
Sondaı-aq Konferentsııa lıgasyn birinshi irikteý kezeńinen bastaıtyn «Astana» jáne «Elimaıdyń» jarystyń kelesi satysyndaǵy yqtımal qarsylastary naqtylandy. Ekinshi irikteý kezeńine shyqqan jaǵdaıda «Astana» klýby «Sherıf» (Tıraspol, Moldova) - «Alıýmınıı» (Slovenııa) jubynyń jeńimpazymen kezdesedi. «Elimaıdyń» yqtımal qarsylasy - Rýmynııanyń ChFR «Klýj» komandasy.
Oǵan deıin alǵashqy irikteý kezeńinde elordalyq ujym Albanııanyń «Dınamo Sıtı», semeılik klýb Armenııanyń «Alashkertimen» jasyl alańǵa shyǵady.
Al UEFA Chempıondar lıgasy ekinshi irikteý kezeńindegi almatylyq «Qaırattyń» yqtımal qarsylasy anyqtaldy. Olar alǵashqy kezeńde Chernogorııanyń «Sýteskasyn» qapy qaldyrsa, odan keıin Kıprdiń «Omonııa» klýbymen sheberlik baıqasady.
Almatylyq klýb Chempıondar lıgasynda qarsylasyna ese jiberip qoısa, Konferentsııa lıgasy ekinshi irikteý kezeńinde «Vıtebsk» (Belarýs) - «Ýnıversıtatıa Kraıova» (Rýmynııa) jubynyń jeńimpazymen oınaıdy.
