Qazaqstandyq klýbtar fýtzaldan Chempıondar lıgasy elıtalyq kezeńin bastaıdy

ASTANA. KAZINFORM - Qazaqstandyq «Semeı» men «Qaırat» komandalary UEFA Chempıondar lıgasy elıtalyq kezeńindegi alǵashqy oıyndaryn ótkizedi.

Semeılik komanda óz alańynda 19:50-de Polshanyń «Pıast» klýbyn qabyldasa, almatylyq fýtbolshylar syrt alańda Belgııanyń «Anderleht» klýbymen sheberlik baıqasady.

Bul týrnırdiń negizgi kezeńinde úshinshi topta synǵa túsken semeılik komanda Chehııanyń «Hrýdımin» 9:5 esebimen jeńse, frantsııalyq «Etýalǵa» 3:4, ıspanııalyq «Palmaǵa» 4:7 esebimen ese jiberip qoıdy.

Al almatylyq «Qaırat» klýby tórtinshi topta Kosovonyń «Prıshtına» komandasyn 4:1, horvatııalyq «Novo Vrıemeni» 3:2 esebimen tize búktirse, Portýgalııanyń «Sportıngten» 2:7 esebimen jeńilip qaldy.

Oıyndar «Qazsport» telearnasynan tikeleı efırde kórsetiledi.

Bmyl fýtzaldan Chempıondar lıgasynyń elıtalyq kezeńine ózgerister engizildi.

Jarystyń atalǵan satysynda 16 komanda segiz jupqa bólinedi. Komandalar óz alańynda jáne syrt alańda bir-bir kezdesýden ótkizedi. Bul oıyndar 2025 jyldyń 24 qarasha-6 jeltoqsan aralyǵyna belgilengen.

Odan keıin 2026 jyldyń 23 aqpany men 6 naýryzy aralyǵynda komandalar sol ereje boıynsha shırek fınalda synǵa túsedi.

Fınal 2026 jyldyń mamyr aıynda Italııanyń Pesaro qalasynda ótedi. Onda tórt komanda sheberlik baıqasady. Aldymen jartylaı fınal bolsa, odan keıin fınal men 3-oryn úshin oıyndar ótkiziledi.