Qazaqstandyq kınorejısser Erevanda álemdik kınoǵa qosqan úlesi úshin marapattaldy
ASTANA. KAZINFORM – Qazaqstandyq rejısser Ádilhan Erjanov Erevan Halyqaralyq «Altyn abrıkos» kınofestıvalinde «Sheber» syılyǵy jeńip aldy, dep habarlaıdy Kazinform menshikti tilshisi.
Festıvaldiń kórkemdik jetekshisi Karen Avetısıannyń aıtýynsha, marapat kıno ónerine qosqan eleýli úlesi úshin berildi. Ol sonymen qatar Ádilhan Erjanovpen odan ári de birlesip eńbek etýden úmittenetinin jetkizdi.
Ádilhan Erjanov — Kann kınofestıvaliniń resmı baǵdarlamasyna eki ret qatysqan rejısser. 2014 jyly onyń «Ieler» fılmi negizgi baǵdarlamaǵa, al 2018 jyly «Álemniń meıirimsiz beıjaılyǵy» fılmi «Erekshe kózqaras» sektsııasyna engen. 2019 jyly Erjanov Asia Pacific Screen Awards bedeldi syılyǵynda «Rejıssýradaǵy jetistigi» nomınatsııasy boıynsha jeńimpaz atandy. Bul marapat oǵan «Qap-qara adam» fılmi úshin berildi. Sondaı-aq, ol Eýropalyq kınoakademııa men Asia Pacific Screen Awards akademııasynyń múshesi bolyp tabylady.
Osyǵan deıin Kazinfrom agenttiginiń tilshisi Mádıbek Jánibekov tanymal halyqaralyq «Ózbekstannyń altyn qalamy» syılyǵyn jeńip aldy.