Qazaqstandyq qymyz dızaıny Nıý-Iorkte úzdik dep tanyldy
ALMATY. KAZINFORM – JAS.BRANDS qazaqstandyq agenttiginiń SAF Qymyz jobasy Nıý-Iorkte ótken DIELINE Awards 2026 halyqaralyq syılyǵynyń altyn júldesin ıelendi.
Almaty qalasy týrızm basqarmasynyń málimetinshe, joba alkogolsiz jáne álsiz alkogoldi sýsyndardyń tujyrymdamalyq dızaıny sanatynda úzdik dep tanylǵan. Otandyq joba álemniń ár túkpirinen usynylǵan 1 500-den astam jumysty basyp ozdy. Marapattaý rásimi 6 mamyrda LUXE PACK kórmesi aıasynda ótti.
– DIELINE Awards qaptama dızaıny salasyndaǵy álemdegi jetekshi syılyqtardyń biri sanalady. SAF Qymyz jobasynyń jeńisi qazaqstandyq kreatıvti ındýstrııanyń áleýetin kórsetedi, - dep habarlady vedomstvodan.
Eske salaıyq, buǵan deıin Qazaqstannyń úzdik IT stýdentteri anyqtaldy.
