Qazaqstandyq kıbersportshy CS2 týrnıriniń jartylaı fınalyndaǵy úzdik oıynshy atandy
ASTANA. KAZINFORM — Qazaqstandyq kıbersportshy Danıl Golýbenko (molodoy) PGL Masters Bucharest 2026 týrnıriniń jartylaı fınalynda eń joǵary nátıje kórsetip, Brazılııanyń FURIA komandasyna MOUZ klýbyn jeńip, fınalǵa shyǵýǵa kómektesti.
Match FURIA komandasynyń 2:1 esebimen jeńisimen aıaqtaldy. Brazılııalyq komanda Dust2 kartasynda 13:6 esebimen basym túsip, Mirage kartasynda 9:13 esebimen jeńilip qaldy. Al sheshýshi Cache kartasynda 13:9 esebimen jeńiske jetti.
Golýbenko matchqa qatysqan oıynshylar arasynda úzdik nátıje kórsetti. Onyń enshisinde 56 ret qarsylasyn joıý jáne 37 ret qaza tabý bar. Qazaqstandyq oıynshynyń jeke reıtıngi 1,34 boldy. FURIA quramynda bul kórsetkish boıynsha ekinshi orynda Kaıke (KSCERATO) Kerato (1,24) tur. Al MOUZ komandasyndaǵy úzdik nátıje Dorıan (xertioN) Bermanǵa tıesili — 1,05.
Gabrıel (FalleN) Toledo bastaǵan komanda qatarynan ekinshi iri týrnırdiń fınalyna shyqty. Buǵan deıin FURIA Thunderpick World Championship 2026 týrnırinde jeńiske jetken edi. Sondaı-aq brazılııalyq klýb bir jyl buryn qatarynan tórt týrnırde top jarǵan.
MOUZ komandasy PGL Masters Bucharest 2026 týrnırin úshinshi-tórtinshi oryndarda aıaqtady.
Týrnır 24-31 qazan aralyǵynda Býharestte ótip jatyr. Jarysqa 16 komanda qatysyp, jalpy júlde qory 1,25 mln dollardy sarapqa salady.
Eske salaıyq, buǵan deıin eFootball Mobile-dan ulttyq qurama Eýropanyń úzdik segiz komandasynyń qataryna enip, endi Portýgalııada ótetin qurlyq chempıonatynda el namysyn qorǵaıtynyn jazǵan edik.
