Qazaqstandyq karateshiler Japonııadaǵy bedeldi týrnırde eki medal jeńip aldy
ASTANA. KAZINFORM — Qazaqstan komandasy Japonııa astanasy Tokıoda aıaqtalǵan shınkıokýshınkaı karateden bedeldi «Chempıondardyń chempıony TOP-9» halyqaralyq jarysynda eki medal jeńip aldy.
Atap aıtqanda, erler arasynda Andjeı Kınzerskıı barlyq qarsylasynan aılasyn asyryp, altynnan alqa taqty. Jartylaı fınalda ol Entas Haýskastan (Lıtva) 5-0 esebimen basym tústi. Fınalda Andjeı taǵy bir otandasymyz Anton Zımarevpen kúsh synasty. Anton Paýlıýs Zımantasty utyp, sheshýshi jekpe-jekke joldama alǵan.
Aıta keteıik, bıyl jarys barysynda alǵash ret eki sheteldik sportshy aqtyq synǵa shyǵyp otyr. Nátıjesinde Andjeı bas júlde 10 mıllıon japon ıenine, al Anton 2 mıllıon ıenge ıe boldy.
Jalpy týrnır erler arasynda álemniń tańdaýly toǵyz, áıelder arasynda segiz úzdik tatamı sheberiniń basyn qosty.
Aıta keteıik, Andjeı Kınzerskıı byltyr jalpy ulttyq Japonııa chempıonatynda top jaryp, mundaı kórsetkish tirkegen tuńǵysh sheteldik sportshy atanǵan edi.
Eske salaıyq, munyń aldynda ústel tennısinen el quramasy Tashkenttegi týrnırde jeti medal jeńip alǵanyn habarlaǵan edik.
