Qazaqstandyq karateshiler Azııa chempıonatynda 4 altyn aldy
ASTANA. KAZINFORM – Ózbekstan astanasy Tashkent qalasynda karateden ótip jatqan Azııa chempıonatynda qazaqstandyq sportshylar top jardy.
Sportty damytý dırektsııasynyń baspasóz qyzmetinen málim etkenindeı, aldymen Jolaman Bıǵabyl kýmıte baǵdarlamasynda 55 kelige deıingi salmaqta fınalda jarys qojaıyny Sobıthon Qosımovty tize búktirdi.
Eresekter arasynda alǵash ret qurlyqtyq dodaǵa qatysyp jatqan Daııana Darenskaıa 68 kelige deıingi salmaqta sońǵy básekede japon sportshysy Kama Tsýbasany jeńdi.
Budan keıin tatamıge shyqqan álem chempıonatynyń qola júldegeri Nurqanat Ájiqanov (-75 kg) ırandyq qarsylasyna esh múmkindik bergen joq. Osylaısha, Nurqanat Azııa birinshiliginde qatarynan úsh ret jeńimpaz atandy. Al Tokıo Olımpıadasynyń qola júldegeri Sofıa Berýltseva (+68 kg) fınalda taǵy bir japon karateshisi Sýmıre Sýgıtany jeńdi.
Endi Qazaqstan áıelder komandasy aqtyq synda altyn úshin talasady.
Erler quramasy qola júlde úshin básekede Saýd Arabııasy ókilderin 3:2 esebimen jeńdi. El namysyn Dıdar Ámiráli, Nurqanat Ájiqanov, Ábilmansur Batyrǵalı, Shyńǵys Taılıev, Nıkıta Tarnakın, Danııar ıÝldashev, Ǵalym Asylhan jáne Dıas Anarbekov qorǵady. Sondaı-aq álem chempıony Móldir Jańbyrbaı taǵy bir qola júldege qol jetkizdi.
Eske sala keteıik, budan buryn karateden álem chempıonatynda Móldir Jańbyrbaıdyń tarıhı altynǵa qol jetkizgenin jazǵan edik.