Qazaqstandyq karateshi Túrkııadaǵy Premer-lıga týrnırinde top jardy

ASTANA. KAZINFORM – Qazaqstandyq Bella Samasheva Ystanbul qalasynda WKF karateden ótip jatqan Premer-lıga básekesinde úzdik shyqty.

Qazaqstandyq karateshi osyndaı deńgeıdegi jyldyń alǵashqy dodasynda 55 kelige deıingi salmaqta top jardy.

Bella fınalda slovakııalyq Nına Kvasnıkovany utty. Bul – ulttyq quramanyń qorjynyna túsken alǵashqy júlde.

Sondaı-aq komanda kóshbasshysy, Tokıo Olımpıadasynyń qola júldegeri Sofıa Berýltseva (+68 kg) fınalǵa shyqty. Sońǵy básekede ol Nepal ókilimen kúsh synasady. 

Eske sala keteıik, budan buryn Ystanbulda karateden ótetin Premer-lıga básekesine qatysatyn Qazaqstan quramasy anyqtalǵanyn jazǵan edik.