Qazaqstandyq karateshi Móldir Jańbyrbaı álemdik reıtıngide kósh bastady
ASTANA. KAZINFORM — Móldir Jańbyrbaı karateshiler arasyndaǵy álemdik reıtıngide óz dıvızıonyndaǵy kóshbasshylyq ornyn saqtap qaldy.
2023 jyly álem chempıony bolǵan qazaqstandyq sportshy 50 keli salmaq dárejesi boıynsha álemdik reıtıngide birinshi orynda keledi.
Móldir Jańbyrbaı 1997 jyly Qyzylorda qalasynda dúnıege kelgen. Álem chempıony ataǵynan bólek ol 2021 jyly kýmıteden Azııa chempıony atansa, sol jyly komandalyq kýmıteden qola júldege ıe boldy. Al 2023 jyly kýmıteden Azııa chempıonatynda kúmis júldege qol sozdy.
Aıta ketsek, Móldir bıyl sáýir aıynda Mysyr astanasy Kaırdaǵy Premer-lıga týrnırinde úzdik shyqty. Osylaısha otandasymyz qatarynan úshinshi Premer-lıga jarysynda júlde aldy. Buǵan deıin ol Parıjde qola, Hanchjoýda kúmis júldeger bolǵan edi.
Sondaı-aq 2025 jylǵy álem chempıonatynyń kúmis júldegeri Sofıa Berýltseva reıtıngide 68 keliden joǵary salmaqta ekinshi orynǵa turaqtady. Álem chempıonatynyń qola júldegeri bolǵan qazaqstandyq taǵy bir karateshi Ásel Qanaı 61 kelide ekinshi orynǵa jaıǵasty.