Qazaqstandyq karateshi Qytaıdaǵy Premer-lıganyń qola júldesin jeńip aldy
ASTANA. KAZINFORM — Qytaıdyń Leshan qalasynda karateden Premer-lıga sanatyndaǵy jarysta qazaqstandyq Oljas Altynbek júldegerler qatarynan kórindi.
Qazaqstan karate federatsııasynan málim etkenindeı, qazaqstandyq sportshy 67 kelige deıingi salmaqta kishi fınalda Brazılııa ókili Vınısıýs Fıgýerony aıqyn basymdylyqpen utty — 6:2.
Bul — Oljas Altynbektiń Premer-lıga sanatyndaǵy týrnırde qol jetkizgen bastapqy medali.
Jarys barysynda Oljas toptyq kezeńde Belgııa, Frantsııa jáne Grekııa ókilin joldan taıdyrdy Shırek fınalda Rosarıo Rýdjerony (Italııa) jeńdi. Jartylaı fınalda Abdýl vahhob Rashıdovqa (Ózbekstan) ese jiberdi.
Osylaısha, Leshan Premer-lıgasynda Qazaqstan qorjynyna alǵashqy júlde tústi.
Eske sala keteıik, budan buryn qazaqstandyq karateshiniń Túrkııadaǵy Premer-lıga týrnırinde top jarǵanyn jazǵan bolatynbyz.
