Qazaqstandyq karateshi Ispanııadaǵy jarystyń jeńimpazy atandy
ASTANA. KAZINFORM — Ispanııanyń La-Korýnıa qalasynda ótip jatqan A serııasy sanatyndaǵy jarysta qazaqstandyq karateshi Dinmuhammed Aıdarbek altynnan alqa taqty.
Qazaqstan karate federatsııasynan málim etkenindeı, Dinmuhammed kýmıte baǵdarlamasynda 60 kelige deıingi salmaqta úzdik shyqty. Qazaqstandyq sportshy fınalda túrik karateshisi Mert Halıchti utty.
Alma-kezek shabýylmen ótken jekpe-jek 5:2 esebimen aıaqtaldy. Bul salmaqta qos qolany Portýgalııa sportshylary jeńip aldy.
Dinmuhammed Aıdarbek jarystyń toptyq kezeńinde Italııa, Frantsııa jáne Portýgalııa ókilinen basym tústi. Al pleı-off satysynda Saýd Ál-basherden (Saýd Arabııasy), jartylaı fınalda Florıan Obıttsten (Germanııa) aılasyn asyrdy.
Osy salmaqta tatamıge shyqqan qalǵan qazaqstandyqtar toptan shyǵa almady.
Búgin La-Korýnıadaǵy básekede sońǵy júldeler sarapqa salynady. Bıyl atalǵan dodada 85 memleketten 1290 sportshy tirkeldi. Bul – A serııasyndaǵy týrnır úshin rekordy kórsetkish.
Eske sala keteıik, budan buryn qazaqstandyq úsh karateshiniń álemdik reıtıngide kósh bastaǵanyn jazǵan bolatynbyz.
