Qazaqstandyq Kabırhan Dýbaıda ótken jarysta taǵy da top jardy
ORAL. KAZINFORM – Dýbaıda ótken Al Maktoum Challenge týrnıriniń birinshi toptaǵy úzdik attar báıgesinde batysqazaqstandyq Tilek Muhambetqalıevtiń tulpary Kabırhan máre syzyǵyn taǵy da birinshi bolyp kesti.
BQO báıge federatsııasynan málim etkenindeı, qazaqstandyq sáıgúliktiń qarsylastary qatarynda byltyrǵy oks chempıony Mımı Kakýshı jáne klassıkanyń úzdikteri Atletıko El Kýlano, Klepton, Ferst Konstıtıýshen, Mılıtarı Lo boldy.
Báıgede 12 tulpar baq synady.
Endi Kabırhan naýryz aıynda Dýbaıdaǵy búkilálemdik kýbokte baq synaıtyn bolady.
Kabırhan – ataqty Kalıfornııa Hrom atty sáıgúliktiń urpaǵy. Ákesi Kalıfornııa óz tarıhynda Dýbaı chempıony bolǵan tulpar.
Eske sala keteıik, budan buryn Dýbaıdaǵy bedeldi báıgede qazaqstandyq sáıgúliktiń jeńiske jetkenin jazǵan edik.