Otandyq ınvestorlar bir aıda Ózbekstanda 20-dan astam kompanııa qurdy
TAShKENT. KAZINFORM – Ulttyq statıstıka komıtetiniń 1 shildedegi esebine saı, Ózbekstanda sheteldik kapıtalmen 20 myńnan astam kompanııa jumys istep tur, dep habarlaıdy Kazinform agenttiginiń Tashkenttegi menshikti tilshisi.
Kórshiles elde qytaılyq kásiporyndardyń úlesi basym. Maýsymnan beri olardyń qatary 239-ǵa kóbeıip, jalpy sany 6 060-qa jetti.
Odan keıin 3 454 kompanııamen Reseı tur. Úshtikti Túrkııa túıindeıdi. Atalǵan eldiń kásipkerleri Ózbekstanda jalpy sany 2 293 kásiporyn qurǵan.
Sonymen qatar qazaqstandyq ınvestorlardyń da belsendigili baıqalady. Atap aıtqanda, maýsymnan shildege deıin, ıaǵnı bir aıda bizdiń el Ózbekstanda 24 kásiporyn ashty. Osylaısha, qazir resmı Tashkentte qazaqstandyq kapıtalmen jumys isteıtin kompanııalar sany 1 307-ge teńeldi.
Eske salaıyq, buǵan deıin Ózbekstanda qazaqstandyq kapıtalmen jumys isteıtin kompanııalar qatary kóbeıgenin jazyp edik.
Sondaı-aq, bıyl úsh aıda Qazaqstannan Ózbekstanǵa baǵyttalǵan aqsha aýdarymdary 155 mln dollardan asty.
Búǵan deıin habaralǵanymyzdaı, qańtar-mamyr aralyǵynda Qazaqstan men Ózbekstan arasyndaǵy taýar aınalymy 2,2 mlrd dollardan asty
