Qazaqstandyq hokkeıshiler jastar arasyndaǵy álem chempıonatynda Frantsııany jeńdi

ASTANA. KAZINFORM – Shaıbaly hokkeıden Qazaqstan erler quramasy Slovenııada ótip jatqan jastar arasyndaǵy álem chempıonatynda iri eseppen jeńiske jetti. 

Úshinshi oıynda ulttyq qurama Frantsııamen kezdesti. Birinshi kezeńde frantsııalyqtar 2:0 esebimen alǵa shyqty. Degenmen otandastarymyz bir gol soǵyp, esepti qysqartty.

Ekinshi kezeńde jalpy 5 shaıba soǵyldy. Onyń tórteýi bizdiń sportshylardyń enshisine jazyldy. Sońǵy kezeńde Qazaqstan quramasy 9 gol engizse, frantsııalyq hokkeıshiler 3 shaıbamen jaýap qaıtardy.

Oıyn 14:6 esebimen Qazaqstan quramasynyń paıdasyna aıaqtaldy. Kelesi matchta ulttyq qurama Norvegııamen oınaıdy.

Buǵan deıin Astanada qysqy sport túrlerine arnalǵan biryńǵaı mektep qurylatynyn jazǵanbyz.