Qazaqstandyq gımnastar Tashkenttegi Challenge Cup kezeńinde 6 fınalǵa joldama aldy

ASTANA. KAZINFORM – Ózbekstan astanasynda ótip jatqan sporttyq gımnastıkadan Challenge Cup týrnıriniń irikteý kezeńi máresine jetti. 

Eki kúndik irikteý saıysynda otandastarymyz alty fınalǵa joldama aldy. Atap aıtqanda, Dmıtrıı Patanın saqınalar men qossyryqtaǵy jattyǵýlarda júlde úshin synǵa túsedi. Al Zeınolla Ydyrysov pen Dıas Toıshybek at snarıadyndaǵy jattyǵýdyń aqtyq kezeńinde baq synaıdy. 

Taǵy bir qazaqstandyq sportshy Altynhan Temirbek qol tirep sekirý jattyǵýy boıynsha fınalda óner kórsetedi.

Qossyryqtaǵy jattyǵýda Іlııas Ázizov júldege talasady. 

Eske salsaq, buǵan deıin gımnast Aqmaral Erekesheva jasóspirimder arasyndaǵy álem chempıonatynyń fınalyna shyqqanyn habarlaǵan edik.