Qazaqstandyq gımnastar Majarstanda ótetin týrnırde synǵa túsedi

ASTANA. KAZINFORM – 26-28 qyrkúıek aralyǵynda Sombatheı qalasynda (Majarstan) sporttyq gımnastıkadan Challenge kýbogynyń kezeńi ótedi. 

Halyqaralyq gımnastıka federatsııasy jarysqa qatysatyn komandalardyń aldyn ala quramyn jarııalady. 

Ulttyq olımpıadalyq komıtettiń málimetinshe, bul týrnırde elimizdiń namysyn 4 qazaqstandyq sportshy qorǵaıdy. Atap aıtar bolsaq, Challenge kýbogy kezeńinde Mılad Karımı, Dmıtrıı Patanın, Roman Masterov jáne Dıas Toıshybek júlde úshin synǵa túsedi. 

Aıta keteıik, jýyrda ǵana Parıjde (Frantsııa) ótken kezeńde Narıman Qurbanov at snarıadynda oryndalatyn jattyǵýda altyn medal jeńip alǵan edi.