Qazaqstandyq gımnastar Azııa oıyndarynyń qola júldegeri atandy
ASTANA. KAZINFORM — Qazaqstan quramasy kórkem gımnastıkadan Aıchı-Nagoıada (Japonııa) ótip jatqan 2026 jylǵy Azııa oıyndarynda toptyq kópsaıysta qola medal jeńip aldy.
Fınalda qazaqstandyq gımnastar 51,550 upaı jınady. Bes doppen oryndalǵan jattyǵý úshin 25,450 upaı, al úsh shyǵyrshyq pen eki jup urshyqty qoldanǵan baǵdarlama úshin 26,100 upaı aldy.
Qazaqstan quramasy sapynda Jasmın Júnisbaeva, Aıda Hákimjanova, Madına Myrzabaı, Aızere Nurmaǵambetova jáne Krıstına Chepýlskaıa óner kórsetti.
Qytaı quramasy 55,300 upaımen jeńimpaz atansa, Japonııa komandasy 52,500 upaı jınap, kúmis júldege ıe boldy.
