Qazaqstandyq gımnast qyzdar Azııa chempıonatynda qola medal jeńip aldy
ASTANA. KAZINFORM — Qytaıdyń Tszýnı qalasynda ótip jatqan sporttyq gımnastıkadan jasóspirim qyzdar arasyndaǵy Azııa chempıonatynda Qazaqstan quramasy qola medal jeńip aldy.
Qazaqstandyq gımnast qyzdar komandalyq kópsaıysta úshinshi orynǵa ıe boldy.
Bizdiń quramanyń jalpy nátıjesi – 144.462 upaı. El namysyn Eva Tatsıeva, Ilana Razdykova, Ýlıana Pýhova, Ekaterına Lebed jáne Saıda Qasymjanova qorǵady.
Altyn medaldi Qytaı quramasy (163.563 upaı) jeńip aldy. Japonııa (157.329) ekinshi orynǵa turaqtady.
Aıta keteıik, qazaqstandyq gımnast qyzdar jekelegen jattyǵýlar boıynsha da fınalǵa joldama aldy. Erkin jattyǵýlarda Eva Tatsıeva men Ýlıana Pýhova óner kórsetedi. Tirep sekirýde Eva Tatsıeva men Ekaterına Lebed júlde úshin talasady. Ártúrli bıiktiktegi syryqtaǵy jattyǵýlardyń fınalynda Saıda Qasymjanova men Ilana Razdykova baq synaıdy. Al tepe-teńdik bórenesindegi jattyǵýda Ekaterına Lebed medal úshin kúresedi.
Aıta ketelik Ǵusman Qyrǵyzbaev Qazaqstan qorjynyna alǵashqy júldeni salǵan edi.
