Qazaqstandyq ǵalymdardyń onkologııaǵa qarsy dárisi bıyl tirkeýden ótedi
ASTANA. KAZINFORM – Premer-mınıstr Oljas Bektenov Úkimettiń keńeıtilgen otyrysynda Dos Sarbasov bastaǵan qazaqstandyq ǵalymdar oılap tapqan onkologııaǵa qarsy preparat jyl sońyna deıin tirkeýden ótetinin málim etti.
- Bir top qazaqstandyq ǵalym onkologııalyq aýrýlardy emdeýge arnalǵan preparat jasap shyǵardy. Qazirgi tańda klınıkalyq synaqtardyń ekinshi fazasy júrip jatyr. Ony aıaqtaý jáne preparatty tirkeý osy jyldyń sońyna josparlanǵan, - dedi Oljas Bektenov.
Aıta keteıik elordada Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.
Onda elimizdiń 2024 jylǵy áleýmettik-ekonomıkalyq damýy qorytyndylanyp, aldaǵy kezeńge arnalǵan negizgi mindetter aıqyndalady.
Buǵan deıin Qazaq ǵalymynyń onkologııaǵa qarsy dárisi qaterli isikti qalaı joıatynyn jazǵan edik.