Qazaqstandyq ǵalymdar polıetılen men aǵash qaldyqtarynan qurylys materıalyn jasap shyǵardy
ASTANA. KAZINFORM – Ǵylym jáne joǵary bilim mınıstrligi Kazinform saýalyna joldaǵan jaýabynda qurylys materıaldarynyń qaldyǵyn óndiriste paıdalanýǵa bolatyn joba týraly málimet usyndy.
«Ózeginde aǵash bar qurandy materıal óndirisin uıymdastyrý» jobasy aǵash óńdeý salasyndaǵy ónerkásip ónimi men qaıtalama shıkizatty paıdalaný arqyly qurylys materıalyn jasaýǵa baǵyttalǵan. Aǵash-polımer buıym jasaýǵa aǵash óńdeýden artylǵan qaldyq pen óńdelgen polıetılendi, jáne polıpropılendi qaıtalap paıdalaný arqyly túziledi», - delingen mınıstrlik jaýabynda.
Vedomstvonyń málimeti boıynsha, joba aıasynda 500 tonna qaldyqty óńdeýge bolady.
«Joba jaqsy nátıjelerge qol jetkizdi, óndiris jolǵa qoıyldy. Búgingi tańda ónim satýdan túsken tabys grant somasynyń jartysynan asyp ketti», - dep jazylǵan mınıstrlik málimetinde.
