Otandyq ǵalymdar obyrǵa qarsy preparatty synaýdyń sheshýshi kezeńin bastady

ASTANA. KAZINFORM – Qazaqstandyq obyrǵa qarsy preparatty ázirleýshi NU professory Dos Sarbasov 2026 jyly klınıkalyq synaqtardyń jańa, sheshýshi kezeńine kóshetinin jarııalady. Bul kezeń eń agressıvti jáne qaterli sanalatyn KRAS-mýtatsııaly isikterimen kúreste preparattyń tıimdiligin dáleldeýi kerek.

Janýarlarǵa jasalǵan klınıkaǵa deıingi sátti zertteýlerden keıin qurama preparattyń ekinshi komponentiniń jańa, adam aǵzasy eń bir sheginde kótere alatyn kóbirekteý dozasyn qoldanýǵa ruqsat alyndy, ol anaǵurlym tıimdi bolady dep boljanyp otyr. 

-Biz bul preparatty standartty hımııalyq terapııanyń aldynda qoldanamyz degen mańyzdy sheshimge keldik. Buǵan deıin ony patsıentter fızıkalyq turǵydan álsiregen kezde, ıaǵnı standartty hımııalyq terapııanyń birneshe kezeńinen keıin qoldanatyn edik. Jańa tásil arqyly preparattyń isikter men metastazdarǵa tikeleı áserin, sondaı-aq preparatty adam aǵzasynyń qanshalyqty kótere alatynyn anyqtaı alamyz. Bul – biz úshin strategııalyq sheshim, óıtkeni preparattyń tıimdiligin anyqtaýdyń eń óz maqsatyna saı keletin tásili osy, - dep atap ótti Dos Sarbasov.

Osyǵan deıin onkologııalyq kómekke arnalǵan bıýdjet kólemi sońǵy 3 jylda 6 esege ulǵaıǵany týraly jazdyq.