Qazaqstandyq ǵalymdar 1 gramy 80 mln dollar turatyn ónim shyǵaratyn údetkish jasamaqshy

ASTANA. KAZINFORM – «ıAdrolyq fızıka ınstıtýty» respýblıkalyq memlekettik kásipornynyń bas dırektory Saıabek Sahıev Senatta ótken kezdesýde Úkimetten 1 gramy 80 mln dollar turatyn ónim shyǵaratyn óndiristi uıymdastyrýǵa qoldaý surady.

- Bizdiń ıAdrolyq fızıka ınstıtýty shyǵaryp otyrǵan «kobalt-57» deıtin radıoızotopty Frantsııanyń ataqtyń Orano kompanııasy, Germanııanyń Eckert & Ziegler Isotope Products kompanııasy satyp alady. Bulardyń qataryna túrikterdiń eki komanııasy kirgisi kelip otyr. Taǵy bir údetkish ornatýǵa ınvestor taptyq. Endi germanıı-gelıı generatoryn, aktınıı-225 negizinde radıofarm preparatyn shyǵaratyn óndiristi aınaldyrǵan 3-4 jyldyń ishinde uıymdastyra alamyz. Onyń 1 gramy 80 mln dollar turady. 

Basqa da ekonomıkamyzǵa paıdasyn ákeletin jobalar bar, olarǵa qajetti 5-10 mln dollar qarjy bólgizetin tetik zańnamada joq, - dedi ǵalym.

Sondaı-aq, ol ınstıtýttyń AES qaldyqtaryn óńdeıtin jobasyn Túrkııa patenttep alýy múmkin ekenin málim etti.