Qazaqstandyq fýtbolshy mansabyn Túrkııada jalǵastyrady

ASTANA. KAZINFORM — Qazaqstan quramasynyń fýtbolshysy Lev Skvortsov resmı túrde túrik quramasynyń sapyna qosyldy.

Túrkııanyń «Serıkspor» klýby qazaqstandyq fýtbolshy Lev Skvortsovpen bir jylǵa kelisimshartqa otyrǵanyn habarlady. 

«Serıkspor» Túrkııa chempıonatynyń ekinshi dıvızıonynda oınaıdy, ol qazirgi ýaqytta Túrkııa birinshi lıgasynyń 20 klýb arasynda 12-shi orynda.

25 jastaǵy qorǵaýshy Lev Skvortsov buǵan deıin «Astana», «Atyraý», «Turan» jáne «Aqtóbe» komandalarynda oınaǵan. Skvortsovtyń halyqaralyq mansaby da joq emes. Ol reseılik «Hımkı» jáne «Shınnık» klýbtarynda da óner kórsetken.

«Serıkspor» Lev Skvortsovtyń qurmetine oraı, ınstagram jelisinde fýtbolshynyń este qalatyn oıyn sátterin, onyń ishinde Qazaqstan quramasy men qazaqstandyq klýbtardaǵy oıyndarynan úzindilerdi jınady.

Aıta keteıik, taǵy bir qazaqstandyq óskemendik Islam Chesnokov qostanaılyq «Tobylmen» kelisimshartyn aıaqtaǵan soń, óz eliniń joǵarǵy dıvızıonynda kósh bastap kele jatqan Shotlandııanyń «Harts» komandasynyń oıynshysy atandy.

Aıta keteıik, qazaqstandyq birqatar fýtbolshylardyń quny joǵarylady.